დიდმოწამე ქეთევან დედოფლის მოძღვარი წამებული მოსე

რეზიუმე

ქართველი ერის ისტორია სავსეა მოწამეთა ცხოვრებით, რომლებმაც სხვადასხვა ეპოქაში ქრისტიანობისა და სამშობლოს დასაცავად სიცოცხლე არ დაიშურეს. საქართველოს მართლმადიდებელმა სამოციქულო ეკლესიამ მრავალი მოწამე წმინდანად შერაცხა. მათ მიერ გაღებულ ღვაწლზე იწერებოდა ჰაგიოგრაფიული თხზულებები. ამ თხზულებათა ნაწილმა ჩვენამდე მოაღწია. თუმცა არიან ქართველი მოწამეები, რომელთა შესახებ ძალიან მწირი ცნობებია შემორჩენილი. ერთ-ერთი მათგანია დიდმოწამე დედოფლის ქეთევან ბაგრატიონის მოძღვარი მოსე.